STOP 電子報:2022年8/9月
本月焦點 學社 x STOP 分享交流會我哋好高興獲香港中文大學青年公民社會「學社」邀請同公眾分享本地及全球人口販運狀況。如果你有興趣了解點樣辨別日常生活中可能涉及人口販運或強制勞動嘅環節,歡迎你嚟參加交流會,一齊傾吓偈,集思廣益將打擊奴役融入生活嘅可能性!日期:2022年10月14日(星期五)時間:晚上8點至10點地點:灣仔(地址會在成功報名後通知)*活動會以廣東話進行 按此報名 制定專法打擊人口販運,刻不容緩「停止人口販運」(STOP) 密切關注近日傳媒報導涉及港人嘅東南亞人口販運罪行。STOP 聯同友好機構香港守護尊嚴中心,於2022年8月24日召開記者會,促請港府針對人口販運立法,並改善識別同保護人口販運受害人嘅法定機制及政策,以更適切地回應人口販運倖存者嘅需要。STOP 項目經理黃筱媛指出,唔少受害人喺遭販運嘅過程中,因自己亦被逼從事非法工作,擔心會被檢控而唔敢報警求助。香港守護尊嚴中心創辦人何珮芝表示,要鼓勵受害人報警求助就必須妥善立法,授予檢控人員酌情權,給予喺脅迫下被逼犯罪嘅受害者刑事免責權。+ 完整新聞稿+ 了解我哋嘅倡議:2022年《施政報告》公眾諮詢希望枝子「停止人口販運」意見書 (只限英文)睇睇我哋最新嘅IG post,知道更多有關預防電詐奴役嘅資訊,以及立人口販運法嘅重要性: 活動回顧呢個夏天,STOP有幸受邀,為風雨蘭同香港紅十字會嘅前線同工同義工,分享反人口販運知識同經驗,又趁住開學時節,同英皇佐治五世學校學生分享全球供應鏈入面嘅人權侵害問題同一啲本地情況。STOP最近舉辦咗三場培訓,為外籍家務工社群增值,講吓反人口販運、預防HIV知識,仲有訓練外展義工。特別鳴謝關懷愛滋少數族裔性健康團隊,幫忙準備又好玩又資訊豐富嘅活動,仲幫27位外籍家務工做埋檢測添。如果你所屬團體/學校/公司都想知多啲現代奴役議題嘅資訊,歡迎電郵...