April 30, 2022
STOP 電子報：2022年4月
特別通知
為保持內容質素，STOP電子報將試行微改版。由二月起，我哋嘅新聞同資源分享將改為每兩個月更新一次，而STOP嘅最新消息同活動預告會維持每月出版。如果你對我哋嘅電子報有任何意見，請不吝賜教，歡迎電郵至：news@stophk.org 提出建議。再次感謝你訂閱STOP 電子報!
本月焦點
STOP就高等法院對CB司法覆核案件的判決表示歡迎
高等法庭裁定執法人員冇履行《香港人權法案》第四條「不得使充奴隸或奴工」嘅責任，就CB司法覆核案件，撤銷警方不循販賣人口及強迫勞役調查嘅決定，發還警方重新調查。STOP為今次標誌性嘅判決感到鼓舞。相信判決亦為香港政府日後喺改善打擊人口販運及強迫勞動嘅政策制訂，奠下基礎。
義工感謝月
義工係STOP 嘅重要支柱。喺2012年，葡萄藤教會舉辦咗一場電影放映，電影探討性販運嘅全球運作模式，以及對受害人嘅生活影響。電影深深震撼咗在場觀眾，一班志願者，嚟自唔同背景，擁有唔同技能，聚埋一齊，由關注組演變成今日希望枝子嘅 STOP 反人口販運團隊。
一粒麥子落地，可以結出更多果實。自2014年STOP成立至今，全靠義工支持，由籌款、公眾教育，到連繫邊緣群體、增強倖存者群體嘅能力，為反現代奴役工作攜手協力，一人每天行一少步，為公義工作行一大步。 趁四月義工感謝月，我哋回顧一吓義工為反現代奴役工作嘅貢獻吖！
STOP. 中文電子報每月出版，旨在向本港打擊販運人口的社區提供最新的新聞和資源。如你有反人口販運的資訊想透過本報發放，請聯絡 NEWS@STOPHK.ORG。本電子報內容並不反映 STOP. 的立場，謝謝您對本組織的支持。STOP. 是 希望枝子有限公司 (BRANCHES OF HOPE) 其中一個項目，旨在對抗人口販運。本組織與其他名稱類同的反人口販運組織並無關連。